Nyåret

Me har hatt eit roleg 2013 så langt. (Erlend har vore opptatt med Tønes i januar/februar, noko som begrenser aktivitet i andre band.)

Likevel har me fått tid til eit par jobbar. Utanom ein eventjobb i januar har me spelt på fantastiske Isbua i lag med våre venner i Hey Tonight. Det var utruleg moro! (Sjølv om det var så vidt me kom oss heim dagen etter, pga. mykje snø).

20130321-144517.jpg

I mars har me spelt på Ambolten Pub på Kvernaland (tidlegare Kvernhuset1913). Dei har bygd om lokalet og laga ein flott scene. Fullt hus og stormande jubel!

Me har òg vitja biblioteket i Stavanger (Biblåsessions). Det vart sagt at me sørgja for publikumsrekord på Biblåsessions. Moro! Me måtte for øvrig ha med Øyvind Jakobsen (Deathbarrel, Thomas Dybdahl) som vikar, noko som var heilt problemfritt. Backstage på Biblå traff me sjølvaste R2D2 frå Starwars 🙂

20130321-144411.jpg

Posta under Bilete, Informasjon | Kommenter innlegget

Takk for i år!

Me har hatt eit utruleg fint 2012! Mange kjekke spelejobbar (28 stykk!), me har møtt mange kjekke folk og me har vore mange flott plasser. Takk for i år! Me gler oss til 2013. Då vert det femårsjubileum. Me planlegg ei solid feiring 🙂

Posta under Informasjon | Merkt , | Kommenter innlegget

75 spelejobbar!

Me hadde ei ny og grundig opptelling av spelejobbar i går og me kom fram til at me har gjort heile 75 Johnny Cash-konsertar av ulike slag så langt. Det tydar jo på at folk likar det me held på med, noko me er svært takknemlege for 🙂 Me har mange (og mange veldig spanande) spelejobbar liggande foran oss resten av dette året og neste år, og me satsar på å ha ein stor fest med dykk når me passerer 100 jobbar!

Sjekk Om oss-sida for ei liste over kva me har spelt på så langt!

Posta under Informasjon | Merkt , , , | Kommenter innlegget

#37: Man in Black

Dette er det fyrste albumet Cash produserte sjølv. Fram til no hadde han trufast nytta Don Law, Jack Clement og Bob Johnston (og Sam Phillips i byrjinga hjå Sun). Lydbiletet er enkelt og klassisk Cash: boom-chicka-boom. Blant låtane finn me eit par samfunnskritiske låtar, blant anna Man in Black og Singin» in Viet Nam Talkin» Blues, eit territorium Cash hadde unngått så langt i karrieren. Desse vart òg gitt ut som singlar.

Favorittspor: Orphan of the Road, If Not For Love, Man in Black og Singin» in Viet Nam Talkin» Blues.

Wikipedia: Man in Black
iTunes: Man in Black

Posta under Diskografi | Merkt , | Kommenter innlegget

#34: The Johnny Cash Show

I 1969 starta Cash sitt eige TV-show. The Johnny Cash Show inneheld ein del av gullkorna frå nokre av showa våren 1970. Den største hiten frå denne plata er utan tvil Kris Kristofferson sin Sunday Morning Coming Down. Elles inneheld plata to medleyar, noko som er litt irriterande (det er jo kjekkare når ein får høyra songane fullt ut). I tillegg til det vanlege backingbandet sitt vart Cash alltid akkompagnert av eit fullt orkester, utan at det blir for pompøst: artig!

Favorittspor: Sunday Morning Coming Down, Six Days on the Road (del av medley) og These Hands.

Wikipedia: The Johnny Cash Show
iTunes: The Johnny Cash Show

Posta under Diskografi | Merkt , | Kommenter innlegget

#33: Hello, I’m Johnny Cash

Etter fengselsplatene var Cash på god veg til å bli nr. ein innan outlaw country. Lydbiletet hans hadde blitt litt meir rocka og røffare, noko ein høyrer tydeleg på Hello, I’m Johnny Cash. Dette er ikkje ei av dei mest kjente platene hans, men det burde den absolutt ha vore. Cash har vidareforedla boom-chicka-boom-lydbiletet utan at det vert glatt og overprodusert. Me finn eit par flotte Kris Kristofferson-låtar på dette albumet, noko som var med å sparka igang karrieren til den då ukjente helikoperpiloten (!) 🙂

Favorittspor: Southwind, The Devil to Pay, Route #1 Box 144, If I Were a Carpenter, To Beat The Devil og ikkje minst Blistered.

Wikipedia: Hello, I’m Johnny Cash
iTunes: Hello, I’m Johnny Cash

Posta under Diskografi | Merkt , | Kommenter innlegget

#31: At San Quentin

Etter suksessen med At Folsom Prison bestemte Cash og Columbia seg for å gjera ei ny live fengselsplate. Resultatet vart At San Quentin. Her var fangane ennå meir rebelske og ein kan høyra at stemninga er svært spent på opptaket. Luther Perkins hadde omkome i ein brann i august 1969 og var nå erstatta av Bob Wootton. Wootton hadde vore ein fan av Cash i lang tid, og kunne alle songane på rams. Han hadde ein litt røffare spelestil, noko ein høyrer godt om ein samanliknar At San Quentin og At Folsom Prison. I tillegg gjorde han små endringar og la til små riff til songane, noko som spritar opp dei gamle klassikarane (legg merkje til kva han gjer på Folsom Prison Blues når songen returnerer til E-dur etter A-dur). Denne plata er ei svært stor inspirasjonskjelde for Aaslandbros, både når det kjem til songval, lydbilete og attityde 🙂

Favorittspor: Big River, I Still Miss Someone, Wreck Of The Old ’97, I Walk The Line, I Don’t Know Where I’m Bound, San Quentin, Wanted Man, A Boy Named Sue, Folsom Prison Blues og Daddy Sang Bass.

Wikipedia: At San Quentin
iTunes: At San Quentin

Posta under Diskografi | Merkt , , | Kommenter innlegget

#27: At Folsom Prison

At Folsom Prison er det andre comebacket til Cash, men det er òg eit av dei kraftigaste vendepunkta i karrieren hans. Cash hadde nettopp kome seg ut av sitt fyrste ekteskap, han hadde nesten fått kontroll på dopavhengigheita si, og han skulle snart bli gift med June Carter. Idéen om å laga ei fengselsplate hadde Cash hatt i mange år, men det var fyrst no han fekk lov til det, pga. endringar hjå Columbia Records. Plata har blitt eit monument i musikkhistorien, og ei av dei viktigaste liveplatene som finst.

Lydbiletet på plata er usminka, rått og direkte, noko som passar godt til den grove røysta til Cash. Dette viser at Cash og bandet verkeleg kunne rocka som liveband. At Folsom Prison er ei av dei viktigaste inspirasjonskjeldene for lydbiletet til Aaslandbros og følgjeleg eit av favorittalbuma våre 🙂

Favorittspor: Folsom Prison Blues, Busted, Cocaine Blues, 25 Minutes To Go, Orange Blossom Special, The Long Black Veil, The Wall, Jackson, Give My Love To Rose, I Got Stripes og The Legend of John Henry’s Hammer.

Wikipedia: At Folsom Prison
iTunes: At Folsom Prison

Posta under Diskografi | Merkt , , | Kommenter innlegget

#22: Sings the Ballads of the True West

Dette er eit flott konseptalbum med mange gode låtar om cowboyar, indianarar, settlarar og ville vesten. Lydbiletet er utvida med banjo på fleire av spora, noko som sjølvsagt er fantastisk kult 🙂

Favorittspor: The Ballad of Boot Hill, Mister Garfield, The Streets of Laredo, Mean As Hell, 25 Minutes To Go og Sweet Betsy From Pike.

Wikipedia: Sings the Ballads of the True West
iTunes: Sings the Ballads of the True West

Posta under Diskografi | Merkt , | Kommenter innlegget

#25: Carryin» on with Johnny Cash & June Carter

Den fyrste duettplata til Johnny og June, og her finn me mange flotte duettar. Dei har med seg Carl Perkins på laget, og det er mykje flott gitarspel å høyra frå han. It Ain’t Me Babe er henta frå Orange Blossom Special-plata, resten er nye innspelingar. På What’d I Say prøver Cash seg på eit ukjent musikalsk landskap. Ein kan vel seia at det ikkje fungerer heilt bra 🙂 Elles er det ei flott plate!

Favorittspor: Long-Legged Guitar Pickin» Man, It Ain’t Me Babe, I Got A Woman, Jackson, Oh What A Good Thing We Had og You’ll Be Alright

iTunes: Carryin» on with Johnny Cash & June Carter

Posta under Diskografi | Merkt , | Kommenter innlegget